ខ្សែប្រយុទ្ធ Mario Balotelli បានវិលត្រលប់មកហ្វឹកហាត់វិញជាមួយក្រុម Liverpool ហើយ ដើម្បីត្រៀមខ្លួនចូលប្រកួតមិត្តភាពមុនបើករដូវកាលនៅ Merseyside ។
Balotelli បានចំណាយពេលមួយរដូវកាលជាមួយក្រុម AC Milan ក្រោមលក្ខខណ្ឌខ្ចីជើង ហើយរដូវកាលថ្មីខាងមុខនេះ ត្រូវបានគេរាយការណ៍ថាខ្សែប្រយុទ្ធរូបនេះនឹងត្រលប់មកជួយក្រុម Liverpool វិញហើយ។ កីឡាករវ័យ២៥ឆ្នាំរូបនេះបាននិយាយថា៖ “ខ្ញុំធ្វើមិនបានល្អគ្រប់គ្រាន់ទេក្នុងរយៈពេលប៉ុន្មានឆ្នាំនេះ។ ខ្ញុំនឹងធ្វើឱ្យល្អឡើងវិញ តែវាត្រូវការពេល។ ខ្ញុំចង់ឈ្នះពាន Ballon dÓr ”។
អតីតកីឡាករ Man City ខាងលើមិនបានជាប់ជម្រើសជាតិអ៊ីតាលីនោះទេក្នុងព្រឹត្តិការណ៍ Euro 2016 នេះ ដោយសារតែទម្រង់លេងរបស់គេហាក់មិនសូវជាល្អប៉ុន្មាន។ យ៉ាងណាមិញ ខ្សែប្រយុទ្ធរូបនេះ បានតាំងចិត្តហើយថារូបគេនឹងប្រឹងប្រែងរកចំណុចកំពូលរបស់ខ្លួនឡើងវិញ ក្នុងរយៈពេលដ៏ខ្លីខាងមុខនេះ៕
0 comments: