បារាំង មានឱកាសជាច្រើននៅតង់ទី១ ទាំងតារាឆ្នើម Antoine Griezmann, Moussa Sissoko និង Andre-Pierre Gignac ដែលដូរចូលនៅចុងម៉ោងក៏ស៊ុតល្អៗ ប៉ុន្តែត្រូវអ្នកចាំទី Rui Patricio របស់ព័រទុយហ្គាល់ សង្គ្រោះបានយ៉ាងអស្ចារ្យ។ លុះដល់ម៉ោងបន្ថែម១៥នាទី២ដង ព័រទុយហ្គាល់ រកបានគ្រាប់ជ័យជម្នះ ដែលស៊ុតដោយខ្សែប្រយុទ្ធវ័យ២៨ឆ្នាំ Eder របស់ក្លឹបបារាំង Lille OSC នៅនាទីទី១០៩។
រីឯប្រធានក្រុមព័រទុយហ្គាល់ Cristiano Ronaldo លេងបានតែ២៥នាទីប៉ុណ្ណោះ ត្រូវក្រុមគ្រូពេទ្យសែងចេញ និងជំនួសវិញដោយ Ricardo Quaresma បន្ទាប់ពីរងរបួសជង្គង់ ក្រោយប៉ះទង្គិចគ្នាជាមួយ Dimitri Payet។
លទ្ធផលនេះមានន័យថា ព័រទុយហ្គាល់ឈ្នះពាន Euro ជាលើកដំបូងក្នុងប្រវត្តិសាស្ត្រ បន្ទាប់ពីខកខានកាលឆ្នាំ២០០៤ ដោយចាញ់ក្រិក ១-០ នៅវគ្គផ្ដាច់ព្រ័ត្រក្នុងទឹកដីខ្លួនឯង។ ចំណែកឯបារាំងវិញ គោលបំណងចង់លើកពាន Euro ជាលើកទី៣ ចង់ស្មើកំណត់ត្រាក្រុមអេស្ប៉ាញ និងអាល្លឺម៉ង់នោះ គឺមិនអាចសម្រេចបានទេ បានត្រឹមតែសោកស្ដាយ ក្នុងទឹកដីខ្លួនឯងប៉ុណ្ណោះ៕
0 comments: