នៅក្នុងម៉ោងប្រកួត៩០នាទីក្រុមទាំង២ធ្វើបានលទ្ធផលស្មើគ្នា ១-១ ខណៈអាល្លឺម៉ង់រកបាន១គ្រាប់មុននៅនាទី ៦៥ ដោយខ្សែបម្រើ Mesut Ozil មុនពេលត្រូវអ៊ីតាលីតាមស្មើបានវិញនៅនាទី ៧៨ដោយខ្សែការពារ Leonardo Bonucci តាមរយៈការទាត់បាល់ពិន័យ១១ម៉ែត្រ។
ចប់៩០នាទីលទ្ធផលស្មើគ្នា ១-១ ហើយឈានដល់វគ្គថែមម៉ោង១៥នាទី២ដងក្រុមទាំង២ មិនមានឱកាសស៊ុតបញ្ចូលទីគ្នានោះទេធ្វើឲ្យការប្រកួតត្រូវសម្រេចដោយការទាត់បាល់ប៉េណាល់ទី។ នៅវគ្គទាត់បាល់ប៉េណាល់ទីត្រូវចំណាយការស៊ុតរហូតដល់ម្ខាង៩គ្រាប់ទើបរកឃើញអ្នកឈ្នះបន្ទាប់ពី៥គ្រាប់ដំបូងអាល្លឺម៉ង់ និងអ៊ីតាលីស៊ុតមិនចូល៣នាក់ស្មើគ្នា។
ឈានដល់ការស៊ុតទី៦, ៧, ៨ និង៩ អាល្លឺម៉ង់សុទ្ធតែធ្វើបានសម្រេចតែអ៊ីតាលីបែរជាភ្លាត់ស្នៀតស៊ុតមិនចូលគ្រាប់ចុងក្រោយធ្វើឲ្យអាល្លឺម៉ង់យកឈ្នះក្នុងលទ្ធផល៦ ទល់៥ ឡើងវគ្គពាក់កណ្ដាលផ្ដាច់ព្រ័ត្រត្រូវរងចាំការឈ្នះរវាង អ៊ីស្លង់និងម្ចាស់ផ្ទះបារាំង៕
0 comments: