​ចិន​ ​ផលិត​ Super Computer​ ​លឿន​ជាង​គេ​បំផុត​ ​បាន​សម្រេច​

ក្នុង​វេទិកា​ ​បច្ចេកវិទ្យា​ ​Super Computer​ ​អន្តរជាតិ​ប្រចាំ​ឆ្នាំ​២០១៦​ ​ចិន​ ​បាន​កាន់​កាប់​ដំណែង​កំពូល​ ​ដែល​មាន​ ​Super Computer​ ​ល្បឿន​ប្រតិបត្តិការ​លឿន​ជាង​គេ​បំផុត​ ​។​

Super Computer​ ​នោះ​ ​មាន​ម៉ូដែល​ ​Sunway TaihuLight​ ​ដែល​​​ត្រូវ​ ​ប្រទេស​ចិន​ ​ផលិត​ឡើង​ ​ដោយ​មិន​មាន​ ​សហការ​ ​ឬ​ប្រើប្រាស់​សម្ភារៈ​ ​បរទេស​ ​អ្វី​ទាំង​អស់​ ​។​ ​Sunway TaihuLight​ ​គ្រប់គ្រង​ដោយ​ប្រព័ន្ធ​ប្រតិបត្តិការ​ ​Linux​ ​ហើយ​មាន​បំពាក់​ ​Chip​ ​ប្រមាណ​ ​១០, ៥​លាន​បន្ទះ​ ​និង​ភ្ជាប់​គ្នា​ដោយ​ខ្នែង​ ​Network​ ​៤០ ៩៦០ nodes​ ​។​ ​

ចំណុច​ពិសេស​របស់​ ​Super Computer​ ​នេះ​គឺ​មាន​ល្បឿន​គណនា​ដល់​ទៅ​ ​៩៣​Petaflop​ ​ដែល​ស្មើ​នឹង​ ​៩៣ ០០០​ ​ពាន់​ពាន់​លាន​ដង​ ​ក្នុង​មួយ​វិនាទី​ ​ហើយ​ ​Sunway TaihuLight​ ​នឹង​ត្រូវ​ដាក់​ឲ្យ​ប្រើប្រាស់​លើ​ការ​គ្រប់គ្រង​ស្ថានភាព​បរិស្ថាន​ ​និង​វិភាគ​នូវ​ទិន្នន័យ​បែប​វិទ្យាសាស្ត្រ​កម្រិត​ខ្ពស់៕​

Source: Sabay News

អានបន្ត: ថែរក្សាថ្មIPhoneជាមួយវិធី៥យ៉ាងនេះ

SHARE THIS