អង់គ្លេស បានចាញ់ក្រុមដែលទើបឡើងលេង Euro លើកដំបូងអ៊ីស្លង់ ២-១។ ប្រធានក្រុម Wayne Rooney ជាអ្នកស៊ុតបាល់ពិន័យ១១ម៉ែត្រ ឲ្យអង់គ្លេសនាំមុខមុននៅនាទីទី៤ ប៉ុន្តែ២នាទីបន្ទាប់ខ្សែការពារ Ragnar Sigurdsson បានស៊ុតគ្រាប់តាមស្មើឲ្យអ៊ីស្លង់ មុនពេល Kolbeinn Sigthorsson ស៊ុតពីចម្ងាយទម្លុះដៃអ្នកចាំទី Joe Hart ឲ្យអ៊ីស្លង់ឈ្នះ ២-១។ ដូច្នេះអ៊ីស្លង់ នឹងឡើងទៅប៉ះម្ចាស់ផ្ទះបារាំង នៅវគ្គ៨ក្រុមចុងក្រោយ។
រីឯការប្រកួតមួយគូទៀត ក្រុមម្ចាស់ការពារតំណែងជើងឯកគោជល់អេស្ប៉ាញ ក៏ធ្លាក់ត្រឹមវគ្គ១៦ក្រុមនេះដូចគ្នា បន្ទាប់ពីចាញ់អ៊ីតាលី ២-០។ ២គ្រាប់របស់អ៊ីតាលី ស៊ុតដោយខ្សែការពារ Giorgio Chiellini របស់ Juventus នៅនាទី៣៣ និងខ្សែប្រយុទ្ធ Graziano Pelle របស់ក្រុម Southampton នៅចុងម៉ោងនាទី៩០+១។ ដូច្នេះអ៊ីតាលី នឹងឡើងទៅប៉ះអាល្លឺម៉ង់ នៅវគ្គ៨ក្រុមជាបន្ត៕
Source: SB
អានបន្ត: ប្រធានាធិបតីអាហ្សង់ទីនប្រាប់ Messi កុំឲ្យចូលនិវត្តន៍ពីជម្រើសជាតិ
0 comments: